Barat da scolaras e scolars durant il temp da scola

Passentar temp cun glieud giuvna da la medema vegliadetgna ed uschia emprender ina lingua: quai è la finamira d'in barat da scolaras e scolars. Uffants e giuvenils van a scola en in'autra regiun linguistica da la Svizra u a l'exteriur e vivan tar ina famiglia ospitanta. In plus per mintga curs da la vita! 

Da quai sa tracti

En in barat da scolaras e scolars vivan las scolaras ed ils scolars tranter 10 dis fin ad in entir onn da scola tar ina famiglia ospitanta en in'autra regiun linguistica u a l'exteriur e van là a scola. Els exerciteschan ina lingua estra u emprendan perfin ina nova lingua. En pli promova in tal barat l'independenza e las cumpetenzas interculturalas da las scolaras e dals scolars. 

  • per scolaras e scolars dal stgalim primar fin al stgalim secundar II (gimnasis, scolas medias spezialisadas e scolas professiunalas)

  • 10 dis fin ad in onn da scola 

  • en in'autra regiun linguistica u a l'exteriur 

  • barat vicendaivel è pussaivel 

  • organisaziun tras la scola ed ils chantuns 

  • termins per dumondas: cuntinuadamain (naziunal) / duas giadas l'onn la primavaira e l'atun (internaziunal)

Rapport davart las experientschas

Ein Schuljahr in Irland

Zwei Schülerinnen aus Genf berichten darüber, wie sie ihren einjährigen Aufenthalt in Irland erlebt haben.

Leger vinavant

Plivalur

Per scolaras e scolars:

  • Ellas ed els dovran ina lingua estra en situaziuns autenticas ed approfundeschan uschia lur savida.
  • Ellas ed els s'avran per la cultura e las particularitads da la regiun ospitanta.
  • Ellas ed els rinforzan lur confidenza en sasezs e lur abilitads da communitgar cun in'experientscha ordaifer lur famiglia e lur stanza da scola.
  • Ellas ed els emprendan d'enconuscher glieud giuvna da la medema vegliadetgna da differentas culturas e fan amicizias.

Pussaivladads

  • Barat da scolaras e scolars en Svizra

    • Las scolaras ed ils scolars vivan e van a scola en in'autra regiun linguistica da la Svizra

    • Per scolaras e scolars dal stgalim primar fin als stgalims secundars I e II (gimnasis, scolas medias spezialisadas e scolas professiunalas)

    • Organisaziun tras la scola ed ils chantuns

    • Nus intermediain famiglias partenarias per in barat, en il qual almain ina partenaria u in partenari da barat deriva da la Svizra taliana u rumantscha

    • Termins per dumondas: current

    Vegnir a savair dapli

  • 1.1.3 Einzelaustausch im Ausland

    • Las scolaras ed ils scolars vivan e van a scola en l'exteriur, respectivamain en Svizra per scolaras e scolars da l'exteriur

    • Per scolaras e scolars dal stgalim primar e dals stgalims secundar I e II (gimnasis, scolas medias spezialisadas e scolas professiunalas)

    • Organisaziun tras la scola ed ils chantuns 

    • Termins per dumondas: duas giadas l'onn la primavaira e l'atun 

    Vegnir a savair dapli

Purschidas da promoziun sumegliantas

A tut las purschidas da promoziun