En cas d' in barat vicendaivel è il/la partenari/a da barat la persuna da contact principala. Er las persunas d' instrucziun pon contribuir ad in bun success dal barat.

La finamira dal barat è l'immersiun linguistica da la scolara u dal scolar che participescha al barat. Schebain quella u quel po participar activamain a l'instrucziun, dependa da sias enconuschientschas da la lingua estra – sche quellas n'èn betg suffizientas per suandar ina lecziun, pudais Vus proponer programs alternativs sco p.ex. lecturas. La finamira principala è da pussibilitar al / a la scolar/a da barat da s'approfundar uschè fermamain sco pussaivel en la lingua dal lieu. 

Sco persuna d'instrucziun da classa

1. Avant il barat
   • Infurmai ordavant Vossa classa davart il / la nov/a scolar/a.

   • Inditgai ina persuna da contact, sch' il /la partenari/a da barat n' è betg en la classa.

      

2. A l'entschatta da la visita 
   • Introduci il / la scolar/a da barat.
   • Planisai ina runda da sa preschentar.
   • Offri Voss agid en cas da dumondas u difficultads.
   • Defini Vossas spetgas envers il / la scolar/a da barat e communitgai quellas.

   • As faschai in maletg da las enconuschientschas linguisticas dal/la scolar/a da barat ed infurmai Voss/as collegas.

      

3. Durant il barat
   • Stai a disposiziun sco persuna da contact en cas da dumondas u intschertezzas.

   • Promovai cun activitads da classa l'integraziun dal/a scolar/a da barat.

      

4. A la fin dal barat
   • Prendai cumià en l'instrucziun dal/a scolar/a da barat.

Sco persuna d'instrucziun spezialisa/da

1. A l'entschatta dal barat
   • Defini Vossas spetgas envers il / la scolar/a da barat e communitgai quellas.

   • Intimai il / la scolar/a da barat da far dumondas en cas ch'ella u el ha difficultads.

      

2. Durant il barat
   • Integrai il / la scolar/a da barat activamain en l'instrucziun – surtut en las linguas estras pon sias cumpetenzas vegnir nizzegiadas a moda positiva.
   • Gidai il / la scolar/a da barat a schliar incumbensas difficilas.
   • Faschai tscha e là curts discurs cun il / la scolar/a da barat. 

Tips e trics generals per integrar il / la scolar/a da barat en la classa

• Tractai il / la scolar/a da barat sco commembra resp. commember da la classa.
• Dai al / a la scolar/a da barat incumbensas che permettan ad el/la da nizzegiar sias cumpetenzas – quai na duain dentant betg esser incumbensas d'alibi, mabain l'entira classa duai pudair profitar dad ellas (p.ex. in referat davart il chantun d'origin, agid en l'instrucziun da linguas).
• Integrai il / la scolar/a da barat en lavurs da partenari u da gruppa.

• Creai situaziuns, en las qualas la classa sto interagir cun il / la scolar/a da barat, dentant senza surdumandar el/la u el.

   

^{Quests tips èn vegnids cumpilads sa basond sin intermundo.ch.}